Allegra!

Nossas clientas e noss clients na vulan betg pli desister en il mintgadi e sin viadi da Passugger e d’Allegra. Perquai avain nus amplifitgà nossa purschida cun buttiglias da PET. Confurm a noss princips stat era tar l’introducziun da las buttiglias da PET l’auta qualitad en il center – ma era il design e la plivalur giogan ina rolla impurtanta.

Il design da l’architect grischun Valerio Olgiati, renconuschì sin plaun internaziunal, collia noss’idea – l’originalitad grischuna – cun l’innovaziun e la modernitad. Cun Valerio Olgiati avain nus chattà il partenari ideal per sviluppar ina buttiglia da PET autentica.

Sper l’autenticitad vulain nus porscher a la consumenta ed al consument in’utilitad ed ina plivalur conscienta. Creà avain nus questa plivalur cun fundar il fond „Passugger CLIMAQUA“. Quest fond sustegna projects e persunas che prestan u han prestà insatge extraordinari a favur da la protecziun duraivla da l’aua, da l’ambient e dal clima. Dapli infurmaziuns chattais Vus sut www.climaqua.ch.

Cordialmain, Voss

Urs Schmid
CEO / Cumpossessur

PS: Sa chapescha resta la buttiglia da vaider reutilisabla era vinavant noss emballadi principal.